Bisogna esaminare le attitudini degli alunni  $$ $

Virtus praeceptoris haberi solet, nec inmerito, diligenter in iis quos erudiendos susceperit notare discrimina ingeniorum, et quo quemque natura maxime ferat, scire. Nam est in hoc incredibilis quaedam varietas, nec pauciores animorum paene quam corporum formae. Utile deinde plerisque visum est ita quemque instituere ut propria naturae bona doctrina foverent, et in id potissimum ingenia quo tenderent adiuvarentur. Nam proprietates ingeniorum dispicere prorsus necessarium est. In his quoque certum studiorum facere dilectum nemo dissuaserit. Namque erit alius historiae magis idoneus, alius compositus ad carmen, alius utilis studio iuris, ut nonnulli rus fortasse mittendi.

Quintiliano, Inst. Or. 2. 8. 1-7 passim (Abilitazione magistrale 1961, I sessione)