Se vuoi visualizzare la struttura, clicca qui

Una razzia sfortunata - Senofonte

Quando i Greci guidati da Senofonte giungono al porto di Calpe, sulla costa del Ponto Eusino, un gruppo di Arcadi fa razzia nei villaggi Traci vicini. La reazione delle popolazioni locali non si fa però attendere.

Οἱ μὲν ᾿Αρκάδες ὡς ἀπέβησαν νυκτὸς εἰς Κάλπης λιμένα, πορεύονται εἰς τὰς πρώτας κώμας ἀπεχούσας στάδια ἀπὸ θαλάττης ὡς τριάκοντα. Ἐπεὶ δὲ φῶς ἐγένετο, ἦγεν ἕκαστος ὁ στρατηγὸς τὸν αὑτοῦ λόχον ἐπὶ κώμην. Συνεβάλλοντο δὲ καὶ λόφον εἰς ὃν δέοι πάντας ἁλίζεσθαι· καὶ ἅτε ἐξαίφνης ἐπιπεσόντες ἀνδράποδά τε πολλὰ ἔλαβον καὶ πρόβατα πολλὰ περιεβάλλοντο. Οἱ δὲ Θρᾷκες οἱ διαφεύγοντες ἡθροίζοντο· πολλοὶ δὲ τῶν πολεμίων πελτασταὶ ὄντες διέφευγον τοὺς Ἀρχάδας ὁπλίτας ὄντας. Οἱ δὲ Θρᾷκες ἐπεὶ δὲ συνελέγησαν, ἐπιτίθενται τῷ Σμίκρητος λόχῳ ἑνὸς τῶν ᾿Αρκάδων στρατηγῶν ἀπερχομένῳ ἤδη εἰς τὰς ναῦς καὶ πολλὰ χρήματα ἄγοντι. Καὶ τέως μὲν ἐμάχοντο ἅμα πορευόμενοι οἱ ῞Ελληνες, ἐπὶ δὲ διαβάσει χαράδρας οἱ Θρᾷκες τρέπονται αὐτούς, καὶ αὐτόν τε τὸν Σμίκρητα ἀποκτιννύασι καὶ τοὺς ἄλλους πάντας.

Senofonte, Anabasi 6. 3. 2-5 passim