La notte insonne prima della presa di Corfinio  

Durante la guerra civile Cesare sta per entrare nella città di Corfinio (in Abruzzo), già da lui accerchiata, ma l’avvicinarsi della notte lo induce a rimandare l’occupazione; mentre prende tutte le misure per impedire ai Pompeiani di avvicinarsi alla città, nessuna riesce a prendere sonno.

Quibus rebus cognitis Caesar, etsi magni interesse arbitrabatur quam primum oppido potiri cohortesque ad se in castra traducere, tamen veritus ne militum introitu et nocturni temporis licentia oppidum diriperetur, eos qui venerant conlaudat atque in oppidum dimittit, portas murosque adservari iubet. Ipse iis operibus, quae facere instituerat, milites disponit, perpetuis vigiliis stationibusque, ut contingant inter se atque omnem munitionem expleant; tribunos militum et praefectos circummittit atque hortatur, non solum ab eruptionibus caveant, sed etiam singulorum hominum occultos exitus adservent. Nec vero tam remisso ac languido animo quisquam omnium fuit, qui ea nocte conquieverit. tanta erat summae rerum exspectatio, ut omnium mentes animique in diversas partes traherentur: quid ipsis Corfiniensibus, quid Domitio, quid Lentulo, quid reliquis accideret, qui quosque eventus exciperent.

Cesare, B. C. 1. 21 passim