Discorso immaginario di Annibale alle truppe - da Livio

Cum Carthaginienses in conspectum Alpium pervenissent, magnus pavor eos invasit. Tum Hannibal, contione vocata, militum animos ad spem erexit. “Cur - inquit - vestra pectora semper impavida repens terror invasit? Memoria tenete totam Hispaniam a vobis occupatam esse, flumen Hiberum superatum ad delendum nomen Romanorum liberandasque omnes gentes orbis terrarum. Cum autem montes Pyrenaeos et flumen Rhodanum, inter ferocissimas gentes, superabatis, pro certo habebatis etiam Alpes a vobis superatum iri. Nunc, tot populis victis, cum Alpes in conspectu habeatis, quarum alterum latus Italiae est, cur putatis fore ut vestra virtus minus quam antea niteat? Quid existimatis Alpes esse? Dico vobis Alpes habitari, coli, pervias esse exercitibus, etiam a Romanis saepe superatas esse. Eaedem olim Gallorum gentibus superandae fuerunt, ut Romam peterent vastarentque. Proinde vobis aut virtute Gallis cedendum est, aut Roma, caput orbis terrarum, itineris finis existimanda”.

Libero adattamento da Livio 21. 30-segg.