Tito, “amore e delizia del genere umano”- Eutropio

Fra le cose meglio riuscite del Breviarium di Eutropio sono da annoverare i ritratti degli imperatori: si veda ad esempio questa descrizione, forse un po’ idealizzata, dell’amabile personalità di Tito, in cui la nota dominante è senz’altro quella della filantropia.

Huic¹ Titus filius successit, qui et ipse Vespasianus est dictus, vir omnium virtutum genere mirabilis adeo, ut amor et deliciae humani generis diceretur, facundissimus, bellicosissimus, moderatissimus. Causas Latine egit, poemata et tragoedias Graece composuit. In oppugnatione Hierosolymorum sub patre militans duodecim propugnatores duodecim sagittarum confixit ictibus. Romae tantae civilitatis in imperio fuit, ut nullum omnino punierit, convictos adversum se coniurationis dimiserit, vel in eadem familiaritate, qua antea, habuerit. Facilitatis et liberalitatis tantae fuit ut, cum nulli quidquam negaret et ab amicis reprehenderetur, responderit nullum tristem debere ab imperatore discedere, praeterea cum quadam die in cena recordatus fuisset nihil se illo die cuiquam praestitisse, dixerit: “Amici, hodie diem perdidi”. Hic Romae amphitheatrum aedificavit et quinque milia ferarum in dedicatione eius occidit. Per haec inusitato favore dilectus morbo periit in ea, qua pater, villa post biennium et menses octo, dies viginti, quam imperator erat factus, aetatis anno altero et quadragesimo.

                                                                      Eutropio, Brev. ab U. C. 7. 21-22

(1) Cioè a Vespasiano.

Torna su

  
Clicca qui per tornare alle altre versioni tradotte e commentate